元朗與眾不同嘅cafe性價比高

Proton 今次要介紹一間cafe喺元朗叫「Proton」，呢間cafe走工業風路線，香港其他cafe主要走文青路線，呢間cafe零舍唔同，室內同室外都可以坐，果晚天氣都幾熱，所以揀咗坐室內，店員好熱情招呼我，首先推走門外嘅梳化，方便我輪椅可以走入cafe入面坐，揀好位置坐之後，就要揀主菜，之後就諗好唔好套餐升級優惠，就算套餐升級優惠都係加$48同$78，套餐升級優惠入面包括酒有頭盤、甜品同飲品，$78飲品就係酒精飲品，我就叫咗一杯cocktail！ 呢間cafe門口都有一級，我就自備帶咗一塊斜板，入面cafe空間都算大，唯獨是門口啱啱好夠一部輪椅過，輪椅人士如果要入呢間cafe幫襯嘅話就要小心d，都方便輪椅人士吹水聚舊！ 1.西班牙麻辣海鮮、魷魚筒意大利飯$188+煙三文魚牛油果田園沙律+JASMINE（原價$45）+藍莓芝士蛋糕（升級套餐優惠）$48（9.5/10） 呢碟西班牙麻辣海鮮、魷魚筒意大利飯份量都好多，入面配料有3隻青口、三隻好彈牙嘅大蝦仁同大約5舊魷魚筒，最特別就係個飯麻麻辣辣好惹味！ 煙三文魚牛油果田園沙律：煙三文魚大約都有3大塊，牛油果都有幾舊，沙律菜多水好新鮮！ JASMINE：呢杯茉莉花茶唔係用茶包，係用新鮮茉莉花茶葉，飲落好甘香，淨係單票一杯茉莉茶都要$45，所以升級套餐優惠係超級抵食！ 藍莓芝士蛋糕：上面係用藍莓醬，中間勁香濃芝士，最底層係牛油餅底，甜度適中，旁邊仲有少少薄脆，好好味！ 2.香煎澳洲西冷牛扒、煎蛋、薯餅、烤串茄大啡菇、沙律$210+風乾火腿哈密瓜田園沙律+RISING SUN PINEAPPLE,LEMON GIN VODKA（原價$68）+朱古力蛋糕（升級套餐優惠）$78（9.5/10） 呢個香煎澳洲西冷牛扒我叫咗5成熟，食起上嚟唔似五成熟，熟咗少少，都算有牛味！ 煎蛋：就係一般早餐半生熟煎蛋，無分別！ 薯餅：比起麥x勞脆身好多，好好味！ 烤串茄大啡菇：有半大舊大啡菇，烤得好淋好滑，菇味算重！ 沙律：新鮮多汁！ 風乾火腿哈密瓜田園沙律：風乾火腿唔咸，哈密瓜好甜，大概切開6舊，方便入口！ RISING SUN PINEAPPLE,LEMON GIN VODKA：店員推介我飲呢杯cocktail，三杯之中最重酒味就係呢杯，都算易入口，少少甜帶GIN酒味，單叫一杯都要$68，所以升級優惠好抵飲！ 朱古力蛋糕：上面朱古力醬比較甜中帶甜，估計都有70%，中間係朱古力慕絲同朱古力蛋糕，整體唔算好甜，旁邊仲有少少薄脆，好好味！ 2人總共價錢$576.4，有加一服務費！ 個人口味總評分：9.5/10 地址：元朗教育路83號地舖 Please follow me🙆‍♂️ @wheelchaireatinhongkong  如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #Proton#元朗好去處#元朗美食#元朗#cafe#香港美食#hkfoodie#hkfoodblogger#hkfoodpic#hkfoods#hkfoodshare#dessert#hkdessertshop#food#hkfoodstagram#hkfoodpic#hkigfood#foodiehk#yummy#delicious#foodie#hkfoodieblogger#hkfoodies#wheelchaireatinhongkong#激玩水上樂園 #呵護肌膚好物 #夏日雙重賞 #唧唧裝驅蚊大師